×
Tuesday, February 11, 2025

Londra dhe Brukseli dakord të punojnë intensivisht për një marrëveshje post Brexit

October 3, 2020


Kryeministri britanik, Boris Johnson dhe presidentja e Komisionit Europian, Ursula von der Leyen, ranë dakord sot të punojnë intensivisht për arritjen e një marrëveshjeje tregtare postBrexit, sipas shërbimeve të tyre përkatëse.

“Në një intervistë me videokonferencë, dy udhëheqësit udhëzuan kryenegociatorët e tyre të punojnë intensivisht në një përpjekje për të kapërcyer mosmarrëveshjet”, njoftoi Downing Street dhe KE në një deklaratë të përbashkët.

“Në javët e fundit, ka patur progres, por mosmarrëveshjet e konsiderueshme vazhdojnë, jo vetëm në fushën e peshkimit, por edhe përsa i përket rregullimit ose qeverisjes”, vazhduan ata, duke shtuar se të dy palët kishin ranë dakord të flisnin me njëri-tjetrin rregullisht mbi këtë temë.

Ky shkëmbim midis Londrës dhe Brukselit vjen të nesërmen pas seancës së tyre të nëntë të diskutimeve, e udhëhequr nga negociatori europian Michel Barnier dhe homologu i tij britanik, David Frost.

Eunews.al

0 0 votes
Article Rating



Ndiqe
Me lajmëro për
guest
0 Comments
Inline Feedbacks
View all comments