×
Friday, October 22, 2021

Kërkuat që Tom Doshi të largohej nga politika se ishte “non grata”, po Sali Berisha?! Lulzim Basha refuzon të flasë: Nuk bëj asnjë koment!

July 28, 2021

Kreu i PD Lulzim Basha refuzon të komentojë vendimin e Partisë që ai drejton për ish-kryeministrin Sali Berisha. Në një konferencë për gazetarët, ai është pyetur për rastin Tom Doshi dhe rastin Sali Berisha, të dy “non grata” në Amerikë.

Gazetarja i ka thënë se para zgjedhjeve, ai ka këkruar që Tom Doshi të largohej nga politika sepse ishte shpallur “non grata” në SHBA. Në fakt kështu ndodhi, Tom Doshi u tërhoq. Lulzim Bashës iu kërkua të bënte dhe një koment për Sali Berishën, duke qenë se është në të njëjtën pozitë në të cilën ishte dikur Doshi.

“Kërkuat që Tom Doshi të largohej nga politika se ishte “non grata”, po për ish-kryeministrin Sali Berisha, do mbani të njëjtin qëndrim?”

Kreu i PD refuzoi të përgjigjej për këtë pyetje. “Ne jemi krenar për ligjin për dekriminalizimin. Ne detyruam mazhorancën në vitin 2014 të pranonte plagën e rëndë të kriminalizimit të politikës, duke futur deputetë me rekorde kriminale në Parlament, kryebashkiakë dhe drejtues të lartë politikë. Beteja jonë për dekriminalizimin do vazhdojë me të gjithë fuqinë”, tha Basha.

“Kërkuat që Tom Doshi të largohej nga politika se ishte “non grata”, po për ish-kryeministrin Sali Berisha, do mbani të njëjtin qëndrim?”, instistoi për herë të dytë gazetarja.

Lulzim Basha: Nuk kam asnjë koment për këtë çështje, jashtë këtij raporti. Çdo shmangje nga raporti, nuk i shërben interesit publik.

Pas këtij episodi në konferencën e kryedemokratir Basha ka reaguar Kryetari i Grupit Parlamentar të Partisë Socialiste, Taulant Balla.

Balla përmes një postimi në rrjetin social facebook bashkangjithr videos pyet se pse Lulzim Basha refuzon të përgjigjet lidhur me çështjen Berisha.


Është e kuptueshme që Basha është “peng” i Sali Berishës dhe se nuk i mer parasysh rekomandimet e ndërkombërarëve madje nuk ka guxim të mbajë një qendrim të hapur lidhur me çështjen Non Grata të babait të tij politik.

Eunews.al

Comments are closed.