KE: Masa ndaj një valë të re të mundshme të COVID-19
Mbulim më i madh i provave, gjurmueshmëri efikase e kontaktit, mbikëqyrje të përmirësuar dhe qasje më e madhe në shërbimet mjekësore janë këto masat e njoftuara sot nga Komisioni Europian lidhur me një valë të re të mundshme të Covid-19 .
Ndër masat që do të merren theksohet edhe nevoja për adresimin e shpërthimeve të reja në mënyrë efektive, që do të kërkojë një koordinim të ngushtë, me veprime afatshkurtra dhe afatgjata për forcimin e reagimit të shteteve të ndryshme.
Masat e tjera përfshijnë sigurimin e lëvizjes së lirë të furnizimeve mjekësore thelbësore në BE dhe lidhjen e marrëveshjeve me prodhuesit e vaksinave.
Brukseli gjithashtu propozon të financojë dhe lehtësojë transportin e ekipeve mjekësore në BE dhe ndërmjet shteteve anëtare dhe transferimin e pacientëve midis vendeve.
Vëmendje dhe mbështetje e veçantë do të ketë për njerëzit më vulnerabël, të moshuarit dhe ata me patologji mjekësore.
Eunews.al
