×
E enjte, 29 Tetor, 2020

Katastrofë në Arktik, Putin shpall gjendjen e jashtëzakonshme

5 Qershor, 2020

Presidenti i Rusisë, Vladimir Putin, u detyrua të shpallë gjendjen e jashtëzakonshme, pasi rreth 20 mijë ton naftë janë derdhur në Arktik nga një depozitë e një termocentrali pranë qytetit siberian, Norilsk, të premten e kaluar. Termocentrali është në pronësi të kompanisë “Norilsk Nickel”, e cila është prodhuesi kryesor i nikelit dhe paladiumit në botë.

Drejtori i termocentralit, Vyacheslav Starostin, u vu në pranga pas ngjarjes. Ndërkohë, autoritetet ruse kanë nisur hetimet për ndotjen dhe neglizhencën e pretenduar. Presidenti Putin reagoi me zemërim, pasi autoritetet lokale e njoftuan qeverinë me vonesë për ngjarjen. Pamje tronditëse janë shpërndarë në internet nga lumi Ambarnaya, uji i të cilit ka marrë ngjyrë të kuqe.

Një ekspert vendas ka parashikuar që kostoja e pastrimit do të arrijë mbi 1 miliard dollarë, ndërsa ambientalistët janë shprehur se mund të duhen dekada të tëra për të pastruar totalisht zonën nga ndotja.

Eunews.al

Komente

avatar
  Ndiqe  
Me lajmëro për