Itali, Mario Draghi pranon detyrën e kryeministrit
Mario Draghi ka pranuar pa rezerva detyrën për formimin e qeverisë së re në Itali, pas rrëzimit të kabinetit Conte.
Pas disa ditësh konsultimesh, Presidenti i Italisë Sergio Mattarella i kërkoi ish shefit të Bankës Qendrore Evropiane Mario Draghi të formojë një qeveri të re, e cila të jetë jo politike dhe ta drejtojë Italinë gjatë periudhës së pandemisë.
73-vjeçari Dragi, i njohur ndryshe me nofkën “SuperMario” u konsiderua si figura qendrore në shpëtimin e monedhës së përbashkët europiane, euro.
Më herët presidenti Mattarella u ka bërë apel partive politike në Parlament që të mbështesin lëvizjen e tij, duke vënë në dukje faktin se vendi po kalon ende një periudhë të vështirë si pasojë e pandemisë.
Covid-19 i ka dhënë një goditje të rëndë ekonomisë italiane, që është vendi i dytë në Evropë sa i takon numrit të viktimave.
Eunews.al
