GREQI – Punonjësit e transporteve në protestë njëditore kombëtare
Një protestë njëditore kombëtare ka nisur sot në Greqi, ndërsa punonjësit e transportit ajror dhe hekurudhor i janë bashkuar valës së zemërimit publik për gabimet dhe çështjet sistematike që shkaktuan një tragjedi të rëndë, pas përplasjes së një treni mallrash me një tren pasagjerësh ku vdiqen 57 persona.
Për herë të parë, protesta është mbështetur nga të gjithë punonjësit e trafikut ajror dhe aviacionit civil.
Hetimi i vazhdueshëm për përplasjen e një treni pasagjerësh me një tren mallrash më 1 mars nxori në dritë ankesa të mëdha brenda rrjetit hekurudhor të vendit.
Shefi i stacionit që dërgoi trenin e pasagjerëve në binarët e gabuar u zbulua se ishte i mbingarkuar në detyrën e tij. Për më tepër, sistemet moderne të sigurisë teknike kishin vite që funksiononin vetëm pjesërisht ose aspak.
Të gjitha qeveritë e 20 viteve të fundit kanë dështuar plotësisht në drejtimin e sistemit hekurudhor, sipas një opinioni unanim që u shfaq në vend, ditët e fundit.
Përveç trafikut ajror, transporti publik grek dhe shërbimet e trageteve po mbështesin protestën, së bashku me punonjësit e shërbimeve publike dhe të sektorit shëndetësor.
