Gati qeveria e re! Rama mbledh sot socialistët në Pallatin e Brigadave
August 27, 2021
Ditën e sotme kryeministri Edi Rama do të mbledhë grupin parlamentar të mandatit të dytë dhe atë që u zgjodh në zgjedhjet e 25 Prillit. Burimet nga kryeministria bëjnë me dije se mbledhja do të nisë në orën 19:00 në Pallatin e Brigadave.
Mësohet se takimi ka në fokus të tij bilancin për qeverisjen e kaluar dhe objektivat për qeverinë e re. Pjesë e takimit do të jenë ministra aktualë dhe deputetë të rinj.
Rikujtojmë se kryeministri Edi Rama fitoi mandatin e tretë qeverisës në zgjedhjet parlamentare të 25 prillit, teksa Partia Socialiste siguroi 74 mandate.
Eunews.al