Fillojnë arrestimet për zjarrvënie, Balla: Nuk do të tolerojmë asnjë rast zjarrvënie. Ndëshkim ekzemplar për këdo!
Zjarrvënia e çdo vepër tjetër penale në dëm të mjedisit do të marrë ndëshkim sipas ligjit.
Ministri i Brendshëm Taulant Balla shprehu përgëzime për punën e Policisë së Shtetit, në Komisariatet e Vlorës, Delvinës dhe Cërrikut, për reagimet sipas tij në kohë, duke çuar para drejtësisë 3 autorët e dyshuar që shkaktuan zjarre me pasoja në pronën e qytetarëve dhe ndotje të mjedisit.
“Policia e Shtetit po bën çdo përpjekje për identifikimin e autorëve të të gjitha rasteve të vënies së zjarrit në vend. Një lutje për qytetarët që të japin kontributin e tyre, duke ndihmuar në eliminimin e rrezikut që në fazat e para”, shkruan ministri Balla në rrjetet sociale, teksa ndan dhe momente nga ndërhyrja e forcave të Shërbimit Zjarrfikës për izolimin e flakëve.
