×
Thursday, September 23, 2021

Drejtësia shqiptare konsolidoi “pandëshkueshmërinë” e “berishëve” dhe shokëve te tyre

July 27, 2021

Nga Mero Baze

Fatmir Mediu i shpëtoi drejtësisë me imunitet.

Teksa ishte duke u hetuar nga drejtësia në vitin 2009 dhe i ishte hequr mandati i deputetit, prokuroria kërkoi marrjen e tij si i pandehur me një akuzë që shkon deri në gjashtë vite burg.https://ads.gogel.al/www/delivery/afr.php?zoneid=105&target=_blank&cb=INSERT_RANDOM_NUMBER_HERE

Ai ju shmang gjykimit deri sa rimori mandatin në Shtator 2009 dhe Gjykata e Lartë pezulloi menjëherë çështjen.

Prej atëherë dhe deri më sot, ai mbeti një krim i pagjykuar.

Rihapja e çështjes nga SPAK ishte një shpresë se drejtësia po u kthehej temave të mëdha të pritshëmrisë që ka opinioni publik për drejtësinë.

Por vendimi i sotëm i Gjykatës Speciale është një dëshpërim, pasi rikonfirmon mbrojtjen me imunitet të politikaneve të lartë.

Shoqëria shqiptare nuk është e mërzitur nga pandëshkueshmëria, se nuk po dënohet ndonjëri që merr bakshish një arkë peshk për vende pune, apo ndonjë nënpunës ordinerë hipoteke.

Ata janë dënuar në të gjitha kohët. Ata që nuk janë dënuar kurrë janë pikërisht zyrtarët e lartë, ish ministra e ish kryeministra që kanë bërë gjëma të mëdha, kanë vrarë e prerë dhe nuk u ka hyrë gjemb në këmbë.

Sot Gjykata Speciale, provoi se kjo traditë vazhdon. Ky është një lajm i mirë për Sali Berishën, Shkëlzen Berishën, Ilir Metën dhe gjithë të tjerët në majë të pushtetit.

Ruhuni ju të tjerët aty poshtë, se do të bëheni shembull.

Eunews.al

Comments are closed.