×
Tuesday, July 27, 2021

Draghi: Italia do të rinisë vaksinimet me AstraZeneca-n

March 18, 2021

Italia do të rifillojë programin e saj të vaksinimit kundër epidemisë COVID-19 të premten me vaksinën AstraZeneca, njoftoi sot kryeministri italian Mario Draghi pas përfundimeve të rregullatorit europian (EMA), që e konsideron këtë vaksinë “të sigurt dhe efikase”.

“Qeveria italiane mirëpret deklaratat nga EMA. Administrimi i vaksinës AstraZeneca do të rifillojë nesër”, tha Draghi.

“Përparësia e qeverisë mbetet arritja e numrit më të madh të vaksinimeve, sa më shpejt të jetë e mundur”, shtoi në një deklaratë.

Sipas Agjencisë Italiane të Barnave (AIFA), mendimi i EMA-s bën që “arsyet për ndalimin e vaksinës Astrazeneca të mos ekzistojnë më dhe që të rinisë fushata e vaksinimit”.

Eunews.al

Komente

avatar
  Ndiqe  
Me lajmëro për