×
Sunday, September 19, 2021

Dhjetëra migrantë të shpëtuar pas operacioneve në Mesdhe

August 16, 2021

Më shumë se 200 migrantë janë shpëtuar në detin Mesdhe, pas disa operacioneve nga organizatat ”Mjekët pa Kufij” (MSF) dhe ResQ.

”Ekuipazhi i anijes ‘Geo Barents’ mori pothuajse 190 njerëz në bord”, njoftoi MSF në orët e para të së hënës.

Migrantët ishin në një varkë të stërmbushur prej druri.

”Dje, vullnetarët e organizatës private italiane ResQ shpëtuan dhjetëra njerëz në disa operacione”, tha grupi.

Mes refugjatëve kishte shumë gra dhe të mitur.

Ekuipazhi i anijes ”ResQ People” kishte rreth 165 njerëz në bord pas shpëtimeve dhe po kërkonte një port të sigurt për t’i lënë njerëzit të dilnin në breg.

Shumica e migrantëve u nisën nga brigjet e Libisë dhe Tunizisë për të arritur në Bashkimin Evropian përmes Mesdheut.

Midis 1 gushtit 2020 dhe 31 korrikut 2021, autoritetet italiane regjistruan 49 280 persona që mbërritën në brigjet vendit apenin, thënë ndryshe 128 për qind më shumë nga viti i kaluar.

Eunews.al

Comments are closed.