×
Thursday, April 18, 2024

COVID-19/ Von der Leyen: Duhet transparencë në lidhje me destinacionin e vaksinave të prodhuara në BE

February 5, 2021


Presidentja e Komisionit Evropian, Ursula von der Leyen dhe Komisionerja Evropiane për Transportin, Adina Vălean, pohojnë, në një komunikim për Digi24.ro, se ka nevojë për transparencë në lidhje me destinacionin e vaksinave të prodhuara në Bashkimin Evropian.

Për këtë qëllim, është futur një mekanizëm transparence dhe autorizimi.
“Ne nuk kemi ndërmend të vendosim kufizime për kompanitë që respektojnë kontratat e tyre – ne sapo kemi autorizuar dy dërgesa në Kanada dhe një në Mbretërinë e Bashkuar. Por nëse një kompani na informon se nuk mund të respektojë dërgesat e saj në BE, atëherë është e drejtë të dimë se çfarë u jep të tjerëve “, transmetojnë dy zyrtarët e Komisionit Evropian.


Në muajin shkurt, vendet e BE-së do të marrin rreth 33 milion doza shtesë, dhe në mars, 55 milion. Në tremujorin e dytë të 2021, sipas disa parashikimeve, duhet të sigurohen 300 milion doza shtesë.
Sidoqoftë, kohët e fundit ka pasur probleme në shpërndarjen e vaksinës.
“Ne e kuptojmë që disa kompani kanë probleme me prodhimin në masë. Në fund të fundit, një rritje e tillë e prodhimit është pa precedent. Kohët e fundit, drejtori i përgjithshëm i një prej kompanive na tha se, në vitin 2019, ata prodhuan 100,000 doza vaksinash dhe këtë vit ata synojnë të prodhojnë një miliard! Është një rritje e pabesueshme dhe ne e përshëndesim këtë përpjekje.


Por gjithashtu kemi nevojë për transparencë në lidhje me destinacionin e këtyre vaksinave. Kjo është veçanërisht e vlefshme kur një kompani nuk i përmbush premtimet e saj për Bashkimin Evropian. Ja pra, pse ne kemi prezantuar një mekanizëm transparence dhe autorizimi: në mënyrë që të kemi një pasqyrë të përgjithshme të eksporteve të kaluara dhe të ardhshme “, transmetojnë Ursula von der Leyen dhe Adina Vălean./ digi24

Eunews.al
 
 

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments