Ministri i ardhshëm polak i Arsimit, Przemyslaw Czarnek doli sot pozitiv për koronavirusin, gjë që rezultoi në shtyrjen e ceremonisë së betimit për ministrat e rinj dhe karantina për disa zyrtarë qeveritarë.
“Zyrtarët që kanë patur kontakt me Czarnek, që nga e premtja, duhet t’i nënshtrohen karantinës”, njoftoi Kryeinspektorati Sanitar në Twitter sot pasdite.
“Kjo do të thotë se zëvendëskryeministri Jacek Sasin, ministri në largim i Arsimit, Dariusz Piontkowski, kreu i kancelarisë së kryeministrit, Michal Dworczyk dhe një zëvendësministër tjetër do të duhet të bëjnë karantinë”, shkroi zëdhënësi i qeverisë, Piotr Mueller, në Twitter.
Për shkak të rezultatit pozitiv për COVID-19 të Czarnek, kryeministri Mateusz Morawiecki i kërkoi presidentit Andrzej Duda të shtyjë ceremoninë e betimit për ministrat e rinj, i planifikuar për sot.
Eunews.al
