COVID-19/ Shënohen rreth 55 mijë raste në Britaninë e Madhe, Johnson: Do të vaksinojmë miliona qytetarë brenda 3 muajsh
Britania e Madhe nuk ka qetësi në këtë fillim vit. Në 24 orët e fundit, 54 mijë raste të reja janë regjistruar me Covid-19 dhe rreth 500 humbje jete e bëjnë tragjik bilancin në Britani. Gjithsesi numri i pozitiviteteve të reja është më i ulët në krahasim me rekordin e së shtunës (mbi 57,000 raste) dhe një rritje e madhe krahasuar me 30,501 rastet e javës së kaluar, kur numri i vdekjeve ishte gjithashtu 357.
Për të gjashtën ditë radhazi, Britania e Madhe tejkalon 50,000 infeksione ditore. Kryeministri britanik, Boris Johnson, nuk përjashtoi masat më të rrepta për të ndaluar përhapjen e variantit të koronavirusit në vend: “Në javët e ardhshme mund të detyrohemi të marrim masa më të ashpra”, tha Johnson, cituar nga Sky News, ndërsa tashmë është filloi një debat mbi futjen e mundshme të një niveli të mëtejshëm alarmi, i pesti, pasi qeveria ka prezantuar tashmë një nivel 4, përveç tre të vendosur më parë.
Johnson u ka bërë thirrje prindërve duke u kërkuar atyre që të dërgojnë fëmijët e tyre në shkolla, në ato zona të vendit ku qeveria ka parashikuar rihapjen e shkollës fillore. Shtyrja e rihapjes e vendosur për Londrën dhe në Anglinë Jug-Lindore, zonat më të prekura nga varianti i ri i virusit, është një masë “e jashtëzakonshme”, shpjegoi Kryeministri. “Shkollat janë të sigurta, është shumë, shumë e rëndësishme të theksohet kjo,” thotë ai. “Rreziku për fëmijët është shumë, shumë i ulët dhe, anasjelltas, përfitimet nga vazhdimi i frekuentimit të tyre janë të mëdha dhe kërcënimi për stafin është minimal. “
“Ne kemi vaksinuar një milion njerëz, më shumë sesa pjesa tjetër e Evropës së bashku” u shpreh kryeministri britanik, Boris Johnson, duke siguruar që “të gjithë po punojnë me shpejtësi të plotë“. “Unë mund t’ju them se ne do të bëjmë dhjetëra miliona vaksina në tre muajt e ardhshëm”, premtoi ai. Johnson theksoi se nga nesër rreth 530,000 doza e vaksinës Oxford-Astra Zeneca do të jetë në dispozicion në qendrat e vaksinimit dhe “disa milion më shumë” të vaksinës Pfizer ende nuk u është dhënë pacientëve.
Reuters raporton se Kryeministri, kur u pyet për mundësinë e një referendumi të ri pas Brexit në pavarësia e Skocisë, u përgjigj se duhet të ketë vetëm një referendum çdo brez. Skocia konsiderohet një tjetër patate e nxehtë për politikën e Britanisë së Madhe mbas çështjes së Brexit.
Eunews.al
