COVID-19, kompania ajrore “Lufthansa” shkurton 1000 vende pune
Kompania ajrore “Lufthansa” njoftoi sot planet për të shkurtuar 1 000 nga 5 000 vendet e punës në administratën e saj, pasi transportuesi kryesor ajror gjerman po lufton për t’i mbijetuar krizës së COVID-19.
“Numri i vendeve ekzekutive në të gjithë “Lufthansa Group” do të zvogëlohet me 20%, i barabartë me 200 vende pune”, tha kompania.
Pas zvogëlimit të bordit ekzekutiv të kompanisë mëmë “Lufthansa”, korporata tani po planifikon veprime të ngjashme në filialet e saj, “Lufthansa Cargo AG”, “LSG Group” dhe “Lufthansa Aviation Training”.
Sipas llogaritjeve të kompanisë, ndikimi katastrofik i pandemisë së koronavirusit të ri në udhëtimet ajrore ka rezultuar në 22 000 pozicione me kohë të plotë në të gjithë Grupin “Lufthansa”, i cili ka rreth 138 000 të punësuar.
Eunews.al
