Borrell: Të respektohen vendimet e Gjykatës Ndërkombëtare Penale
Kryediplomati në largim i BE-së, Josep Borrell u bëri thirrje sot të gjitha shteteve anëtare të BE-së që të respektonin vendimet e Gjykatës Ndërkombëtare Penale, duke përfshirë urdhërarrestin për kryeministrit izraelit Benjamin Netanyahu, sipas “Reuters”.
“Ne nuk mund të minojmë Gjykatën Ndërkombëtare Penale (ICC). Kjo është e vetmja mënyrë për të pasur drejtësi globale”, u tha Borrell gazetarëve në Bruksel – mandati i të cilit si kryediplomati i BE-së përfundon këtë muaj.
“Vendimi i ICC-së nuk është politik. Është një organ ligjor i formuar nga njerëz të respektuar që janë më të mirët në profesionin e gjyqtarëve”, shtoi ai.
ICC lëshoi urdhërarreste javën e kaluar për Netanyahun, ish-shefin e tij të Mbrojtjes Yoav Gallant dhe udhëheqësin e Hamasit, për krime të dyshuara lufte dhe krime kundër njerëzimit në konfliktin e Gazës.
Ai e përshkroi konfliktin në Lindjen e Mesme si një “kancer” që do të jepte metastaza dhe do të ndikonte në marrëdhëniet ndërkombëtare dhe shoqëritë evropiane nëse paqja nuk mund të arrihej.
Borrell ka kritikuar vazhdimisht Izraelin për trajtimin e luftës në Gazë, e cila u shfaq si përgjigje ndaj sulmeve terroriste të grupit militant palestinez Hamas, më 7 tetor 2023.
