Borrell: Ofensiva e Kurskut “goditje e rëndë” ndaj Putinit
Shefi i Punëve të Jashtme të Bashkimit Evropian, Josep Borrell, e quajti ofensivën e Ukrainës në Kursk një “goditje të rëndë” për presidentin rus Vladimir Putin.
Borrell gjithashtu u shpreh në favor të heqjes së kufizimeve territoriale për përdorimin e armëve perëndimore nga Ukraina. Disa vende donatore kanë këmbëngulur që armët e tyre të përdoren vetëm në territorin ukrainas.
Duke shkruar në X, Borrell tha:
“Ofensiva e Ukrainës në Kursk është një goditje e rëndë për narrativën e presidentit rus Putin”, shkroi Borrell në X.
“Heqja e kufizimeve në përdorimin e aftësive kundër ushtrisë ruse – të përfshirë në agresionin kundër Ukrainës – në përputhje me ligjin ndërkombëtar, do të kishte disa efekte të rëndësishme, duke përfshirë forcimin e vetëmbrojtjes së Ukrainës, shpëtimin e jetëve dhe avancimin e përpjekjeve për paqe”, shtoi ai.
“BE mbështet plotësisht luftën e Ukrainës kundër agresionit rus”, tha Borrell.
