Boris Johnson vaksinohet me AstraZeneca
Kryeministri britanik, Boris Johnson, i cili u shtrua në spital vitin e kaluar me një gjendje të rëndë të COVID-19, mori sot dozën e tij të parë të vaksinës antiCOVID-19 të zhvilluar nga AstraZeneca.
“Le ta bëjmë vaksinën”, shkroi Johnson në një postim në Twitter, së bashku me një foto të tij duke u vaksinuar.
“Vaksinimi është gjëja më e mirë që mund të bëjmë për t’u kthyer në jetën që na mungon aq shumë”, shtoi ai.
Johnson, 56 vjeç, po përpiqet të sigurojë publikun se vaksina AstraZeneca është e sigurt pasi një numër vendesh në Europë dhe në botë, jo BM, pezulluan përdorimin e saj në fillim të kësaj jave për shkak të frikës nga mpiksja e gjakut.
Gjithashtu, edhe kryeministri francez Jean Castex u vaksinua me AstraZeneca sot, në një përpjekje të ngjashme për të rikthyer besimin ndaj vaksinës./ /ervo/Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.
Eunews.al
