×
Thursday, October 6, 2022

BE dënon sulmet e kryeministrit slloven kundër medias

February 18, 2021

Bashkimi Europian dënoi sulmet e fundit drejtuar nga kryeministri slloven, Janez Jansa kundër gazetarëve, disa prej tyre korrespondentë në Bruksel.

“Ne nuk pranojmë fjalë fyese drejtuar gazetarëve dhe i dënojmë ato”, tha Eric Mamer, zëdhënësi i presidentes së Komisionit Europian, Ursula von der Leyen.

Jansa, përmes disa komenteve në Twitter, kishte sulmuar disa gazetarë, disa autorë artikujsh mbi hetimet mbi lirinë e shtypit në Slloveni, nën sulm nga qeveria e Jansas.

Jansa ka sulmuar në Twitter një gazetar nga Politico Europe, autor i një reportazhi të titulluar “Lufta e Sllovenisë ndaj medias”.

“Lili Bayer ishte udhëzuar të mos tregonte të vërtetën dhe kështu ka bërë”, shkruan Jansa.

“Ajo ka cituar burime anonime të ekstremit të majtë”, shkroi Kryeministri i cili në të kaluarën ka sulmuar mediet publike dhe private të vendit të tij.

“Kjo, për fat të keq, është Politico Europe, gënjen për të jetuar”, theksoi Jansa, vendi i të cilit në korrik do të marrë presidencën e radhës të BE-së.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments