Balla në Lushnjë: Shitja e produkteve, e garantuar në tregun e huaj
Drejtuesi politik i Partisë Socialiste për qarkun e Fierit, Taulant Balla së bashku me kryetaren e bashkisë së Lushnjës, Eriselda Sefa, vizituan ditën e sotme kompaninë “VegetAl Export”, e cila eksporton produktet e freskëta, bio dhe të certifikuara në tregjet europiane.
Kompania ‘VegetAl Export’ i ndihmon fermerët duke i mbështetur ata në të gjitha hapat e procesit të kultivimit të produkteve të tyre, por është duke bërë çdo proces sipas ligjit në hartimin e dokumentacionit për të përfituar nga skemat mbështetëse të qeverisë dhe nga grantet e BE-së.
Fermerët të cilët bashkëpunojnë me kompaninë ‘VegetAl Export’ kanë të sigurt shitjen e prodhimeve të tyre, pasi kjo kompani punon 9 muaj të vitit sipas kulturave bujqësore.
Vit pas viti kërkesa rritet dhe shitja e produkteve është e garantuar në tregun e huaj.
Balla theksoi se “qeveria shqiptare i qëndron synimit të saj për rritur edhe me tej mbështetjen për sektorin bujqësor”.
