Ambasadorja Kim në Gjirokastër: Bota duhet të njihet me këtë vend të bukur
Ambasadorja Yuri Kim, në kaudër të turit të saj të falenderimeve është ndalur sot në qytetin e Gjirokastrës.
Gjatë fjalës së saj, Kim tha se Gjirokastra është një nga vendet më të bukura në Shqipëri dhe të gjithë duhet të vizitojnë.
“Gjirokastra është një nga vendet më të bukura në Shqipëri. E vërteta është në fakt që bota po mëson për Gjirokastrën dhe një pjesë e imja do donte që e gjithë bota ta dinte dhe njohë, por një pjesë tjetër do donte që ta ruante të fshehtë sepse është e bukur.
Shpresoj që sa më shumë njerëz të vijnë në Shqipëri dhe në Gjirokastër do ta çmojnë këtë vend si thesar të çmuar, të vijnë të vizitojnë këtë qytet të gurtë me ato çati të vendosura mbi njëra-tjetrën, por mbi të gjitha për zemrën e artë që kanë qytetarët”, tha Yuri Kim.
Në vizitën e saj zyrtare ambasadorja Kim, gjithashtu zhvilloi një takim edhe me Kryetarin e Bashkisë Flamur Golemi i cili i dorëzoi “Çelësin e qytetit”.
