×
Monday, February 26, 2024

Ambasadori i BE-së ‘rrëzon’ Metën për ndërhyrjet në Drejtësi: S’është koha për të rihapur diskutime

May 21, 2020


Pas paralajmërimit të ambasadores amerikane Yuri Kim për ndërhyrje në Reformën në Drejtësi, një reagim ka ardhur edhe nga kolegu i saj, përfaqësuesi i BE-së, Luigi Soreca.

Soreca shkruan se zbatimi i Reformës në Drejtësi duhet të vijojë dhe se nuk është koha që të hidhen dyshime lidhur mbi bazat e tij por duhet fokus për rritjen e efikasitetit të saj.

“Zbatimi i Reformës në Drejtësi vazhdon dhe duhet të ruhet. Kjo nuk është koha për të rihapur diskutimin mbi bazat e tij, por për të rritur efikasitetin e tij dhe forcimin e burimeve që disponon. Për të dhënë drejtësinë e pavarur që qytetarët shqiptarë meritojnë dhe për të çuar përpara Shqipërinë në rrugën e saj në Bashkimin Europian,”-shkruan Soreca.

Ky reagim vjen pasi Ilir Meta i ka propozuar qeverisë dhe opozitës që të ndërtojnë një ‘Këshill Politik’ me konsensur për të ‘futur duart’ te ligje e Drejtësisë.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments