Ambasada amerikane në Kosovë, mesazh për qeverinë e re “Kurti 3”
February 12, 2026
Ambasada amerikane në Kosovë përmes një mesazhi në rrjetet sociale thotë se mirëpret konstituimin e Kuvendit dhe formimin e qeverisë së re.
Ambasada thotë se pret të punojë me qeverinë e re në çështjen e paqes, stabilitetit e përparimit ekonomik.
“Ambasada e SHBA-së mirëpret formimin e Kuvendit dhe qeverisë së Kosovës. Presim të punojmë me qeverinë e re për të çuar përpara prioritetet e përbashkëta, duke përfshirë paqen rajonale, stabilitetin dhe përparimin ekonomik të ndërsjellë”, thuhet në njoftim.
Kujtojmë që dje u konstitua Kuvendi i ri i Kosovës, ku u zgjodh kryeparlamentare Albulena Haxhiu, dhe u votua për formimin e qeverisë “Kurti 3”.
