Putin viziton Kinën më 19–20 maj, takon Xi Jinping

Presidenti i Rusisë, Vladimir Putin, do të zhvillojë një vizitë zyrtare në Kinë më 19 dhe 20 maj, bëri të ditur Kremlini, në një vizitë që vjen vetëm pak ditë pas qëndrimit të presidentit amerikan Donald Trump në Pekin.

Gjatë vizitës, Putin pritet të takohet me presidentin kinez Xi Jinping, me të cilin do të diskutojë forcimin e mëtejshëm të partneritetit strategjik dhe bashkëpunimit mes dy vendeve, si dhe çështje të rëndësishme ndërkombëtare dhe rajonale.

Kremlini theksoi se takimi do të fokusohet në zgjerimin e bashkëpunimit “të gjithanshëm” mes Rusisë dhe Kinës, në një moment tensionesh të larta gjeopolitike.

Putin dhe Xi janë takuar më shumë se 40 herë ndër vite, ndërsa hera e fundit ishte në Pekin në shtator të vitit të kaluar.

Dy liderët nënshkruan në shkurt 2022 një marrëveshje për partneritet strategjik “pa kufij”, vetëm pak javë përpara nisjes së luftës së Rusisë në Ukrainë.